За студенти
Ако подготвуваш колоквиум или испит, почнуваме од предметот, темите и задачите што ги учиш. Не е доволно само да добиеш готов код: важно е да знаеш зошто решението работи и како да го примениш на друга задача.
ФИНКИ, ФЕИТ И ОСТАНАТИ ФАКУЛТЕТИ / ПОЧЕТНИЦИПриватни онлајн часови
Приватни онлајн часови
по програмирање.
Индивидуална работа или учење во група, со Драган Јакимовски. Разбери го материјалот, научи како да пристапиш кон задачата и развивај ја способноста самостојно да стигнеш до решение.
Различни цели.
Јасна насока за учење.
За почетници
Ако немаш претходно искуство, прво ја утврдуваме целта. Потоа ги објаснуваме основите со конкретни примери и задачи со соодветна тежина. Погледни како да започнеш со програмирање.
За дополнително усовршување
Ако веќе програмираш, но одредена тема ти е нејасна, наведи што сакаш да совладаш. Часовите можеме да ги насочиме кон конкретниот концепт, алгоритам или дел од твојата практика.
ПОДГОТОВКА ЗА ФАКУЛТЕТРаботиме според
Работиме според
твојот материјал.
ФИНКИ, ФЕИТ и останати факултети.
Програмата и темите ги усогласуваме пред часовите.
Приватни часови за ФИНКИ
Во каталогот можеш да ги разгледаш темите за структурно и објектно-ориентирано програмирање, алгоритми, веб, бази на податоци и вештачка интелигенција. Испрати ги материјалите од твојата генерација за да работиме на она што ти треба.
Приватни часови за ФЕИТ
Избери предмет и објасни кои теми ги подготвуваш. Прегледите во каталогот се поврзани со официјалните предметни програми; конкретниот план го усогласуваме со твоите задачи и потреби.
За останати факултети: наведи ја програмата и испрати ги темите што ги учиш. Часовите се независна услуга и не претставуваат официјална настава на факултетите.
Како го договараме
учењето?
- 01
Ја опишуваш целта.
Во пријавата наведи предмет, факултет ако студираш, претходно знаење и посакуван формат. Ако имаш рок за колоквиум или испит, напиши го и него.
- 02
Ги усогласуваме условите.
Лично ти одговарам за да ги договориме темите, терминот, начинот на приклучување и цената. Пред часот ќе знаеш што сме договориле.
- 03
Работиме со објаснување и практика.
Ја разгледуваме задачата, ги објаснуваме нејасните делови и проверуваме дали можеш самостојно да ја примениш постапката.
- 04
Повторуваш по часот.
Врати се на снимката и објаснувањата кога ти треба. Во профилот ги гледаш часовите и материјалите што менторот ги додал за тебе.
Избери формат
според потребите.
Индивидуални часови
Соодветни се кога сакаш внимание на конкретен проблем, различно темпо или објаснување на теми што ти се потешки. Во пријавата наведи каде ти треба насока.
Пријави се за индивидуални часови ↗Групни часови
Учење преку заеднички прашања и дискусија. Темите и темпото треба да одговараат на групата; можноста и терминот ги договараме по пријавувањето.
Пријави се за групни часови ↗Искуство што помага
сложеното да стане јасно.
Мојата работа со студенти е во својата 16-та година, поткрепена со 19 години програмирање и работа на големи проекти. На часовите го поврзуваме материјалот со логиката и практичната примена.
Запознај го менторот ↗ЧЕСТИ ПРАШАЊАШто треба да знаеш
Што треба да знаеш
пред првиот час?
Дали часовите се одржуваат онлајн?
Да. Приватните часови по програмирање се одржуваат онлајн, индивидуално или во група. По пријавувањето го договараме терминот и начинот на приклучување.
Можам ли да се пријавам ако сум почетник?
Да. Во пријавата напиши дека почнуваш без претходно искуство или опиши што веќе знаеш. Така можеме да го усогласиме почетното ниво и целта. Погледни го водичот за почетници.
Дали има часови за ФИНКИ, ФЕИТ и други факултети?
Да. Во каталогот на предмети има прегледи според програмите на ФИНКИ и ФЕИТ. Ако студираш на друг факултет, испрати ги предметот, темите и материјалите за да ги усогласиме часовите.
Дали помагаш со подготовка за колоквиум или испит?
Да. Напиши кои теми ги подготвуваш, кога е проверката и каде ти треба објаснување. Работиме на разбирање и самостојно решавање, а планот го договараме според твоето ниво и расположливото време.
Како се одредува цената на часовите?
Форматот, терминот и цената ги договараме лично по пријавувањето. Наведи го предметот и дали сакаш индивидуални или групни часови за да добиеш конкретни информации пред да го договориме часот.
Дали секој час се снима?
Да. Секој час се снима, а снимката е достапна најмалку во текот на еден семестар. Наменета е за твоето учење и повторување. Повеќе информации има во делот за часовите и снимките.
Што да испратам кога се пријавувам?
Име и презиме, телефон, е-пошта, предмет или област и посакуван формат. Во пораката опиши ја целта и темите што ти се потешки. Отвори ја формата за пријавување.
Што можам да следам преку својот профил?
Преку корисничкиот профил можеш да ги прегледаш часовите што менторот ги евидентирал, додадените резимеа и линковите до снимките. За гледање на OneDrive снимка е потребна дозвола за твојата е-пошта.